MISTERYONG BUMABALOT KAY SATANAS
crdts. to the owner
Sino si Satanas? Siya ba ay totoo o kathang-isip lamang?
Sa Bibliya, siya ang itinuturing na kontrabida ng Diyos,
pero walang makapagsabi kung saan siya nagmula at kung
sino ang lumikha sa kanya.
Maliban dito marami pang misteryo kaugnay kay Satanas
na hindi pa nabibigyang liwanag.
May nagsasabi na si Satanas ang ahas sa Garden of Eden
na siyang nagbuyo kay Eba na kainin ang ipinagbabawal
na prutas. Pero walang direktang sinabi sa Bibliya na si
Satanas o ang demonyo ang ahas.
Dahil sa kontrabida nga, nag-assume ang marami na si
Satanas yun kasi siya ay masama. Ayon sa Genesis, ang
ahas ang "cleverest of the beasts of the field."
May paniwala ang ilang biblical scholars na ang ideya ni
Satanas ay hindi pa nabubto noong panahon ng Genesis.
Pero kung hindi ang demonyo ang ahas, sino siya? Isa
lang ba siyang ahas na marunong magsalita at
naiintindihan ng tao?
May nagsasabi naman na si Lucifer ang ahas. Ayon sa
Genesis, pinarusahan ng Diyos ang ahas. Ang parusa sa
kanya ay kailangan niyang gumapang. Kung si Lucifer ang
ahas, bakit hindi siya gumagapang?
Sa 2 Samuel 24, nagalit ang Diyos sa Israel kaya
nagpadala ito ng salot. Inutusan niya si Haring David na
magsagawa ng census. Pero sa 1 Chronicles 21 sinabi na
si Satanas ang humimok kay David upang magsagawa ng
Census.
Magkakontra ang dalawang verse na ito. Sino ba talaga
ang nag-utos na magsagawa ng census? May nasasabi
naman na nakagagawa lamang si Satanas kung mayroon
itong pahintulot mula sa Diyos. Kaya kung sinabihan
umano ni Satanas si Haring David na magsagawa ng
census ito ay dahil pinahintulutan siya ng Diyos.
Isang paliwanag naman ang nagsabi na maaaring ang mga
Hudyo ay naimpluwensyahan ng Zoroastrianism nang sila
ay ipatapon sa Babylonia. Ang Zoroastrianism ay
naniniwala sa magkalabang puwersa. Ang nagsulat ng
Chronicle ay maaaring naimpluwensyahan umano kaya si
Satanas ang naging responsable sa pagsasagawa ng
census.
Ang Satan ay isang salitang Hudyo na ang ibig sabihin ay
"adversary" o "accuser." Hindi ito ginamit na pangalan sa
Lumang Tipan at madalas na ginagamit sa tao.
Gaya halimbawa ni Haring Rezon ng Syria na sinasabing
isang "Satan" ni Haring Solomon. Mayroon ding angelic
creature na tinatawag na "The Satan" na nagsisilbi bilang
isang prosecutor. Halimbawa rito ang pagpayag ng Diyos
kay Satan na i-prosecute si Job upang malaman kung
mananatili ang paniniwala nito sa Diyos sa gitna ng mga
pagsubok.
Ang salitang devil o diablos ay nangangahulugan ding
"accuser" at mula sa salitang Griyego. Sa paglipas ng
panahon ay itrinato ang salitang Satan na isang pangalan.
Kaya ang tanong ay kung ano ang pangalan ng Satan o ng
demonyo?
Ang alam nating lahat si satanas ang lider sa impyerno.
Dito niya pinapahirapan ang kaluluwa ng mga tao na hindi
naging mabuti noong sila ay buhay pa. Paano tayo
nakasisiuro na totoo ito? Walang sinabi na ganito sa
Bibliya pero ito ang nakagisnan natin. Iniugnay si Satanas
sa impiyerno dahil ang sabi doon siya napunta matapos
ang final judgment.
Ang pinakamalapit na paliwanag kung bakit naging hari ng
impiyerno si satanas ay dahil itinulad siya sa mga Greco-
Roman na sina Hades at Pluto. Isa ring teorya ay
impluwensya ito ng Zoroastrianism kung saan ang
demonyong si Angra Mainyu ang nagpapahirap sa mga
masasama sa kabilang buhay. Ang tanong ay kung totoo
ba talaga na meron impiyerno o wala?
Ang angelic na "the satan" ay dalawang beses na lumabas
sa Lumang Tipan. Una nang makipag-usap siya sa Diyos
kaugnay sa pagiging matapat na tagasunod ni Job.
Pinayagan si ng Diyos na subukin si Job upang malaman
kung tatalikuran nito ang Diyos matapos humarap sa mga
pagsubok.
Ikalawa sa Zechariah, kung saan ang pari na si Joshua ay
humarap sa heavenly tribunal. Inakusahan ni satan si
Joshua pero ipinagtanggol siya ng mga anghel ng Diyos.
Sa dalawang pagkakataon na ito, ay parang nagseserbisyo
sa satan para sa Diyos.
Pero sa Bagong Tipan, si satan ay itinuturing na prince of
demons. Kaya ang tanong ay magkaiba ba ang satan na
tinutukoy sa luma at bagong tipan o iisa lang sila. Nag-iba
lang ang kanyang role.
Sa paniniwala ng iba't ibang kultura, ang demonyo ay
mayroong malakas na kapangyarihan. Pero ang satanas
ba ang tinukoy sa Bibliya ay mayroon ding kapangyarihan
sa lupa?
Ayon sa Lumang Tipan, mayroon siyang kakayahan na
guluhin o pakialaman ang buhay ni Job. Sa Bagong Tipan,
sinuhulan niya si Hesus ng karangyaan para iwanan ang
kanyang pagiging Diyos. Minsan ding sinabihan ni satanas
si Hesus na gawing tinapay ang bato nang siya ay
nagugutom.
Sa Mark at Luke ay mababasa ang kapangyarihan ni Hesus
na magpalayas ng kampon ng demonyo na sumanib sa
tao. Pero para sa ilang sekta ng Kristiyano, walang
kapangyarihan si satanas sa lupa.
Sa panahon natin ang itsura ng demonyo ay may sungay,
nakakatakot at kulay itim. Minsan ay may hawak pa itong
pitchfork na iniisip natin na ginagamit niya sa pagpaparusa
sa mga masasamang kaluluwa na nasa impiyerno.
Yung mga bersyon naman sa cartoon, si satanas ay kulay
pula ang balat. Pero ang mga paglalarawang ito ay hindi
makikita sa Bibliya. Ang mga paglalarawan sa demonyo ay
likha na ng isip ng tao.
Ang pagkakaroon ng sungay ni satanas ay maaaring
impluwensya ng Greek god na si Pan, na nagdudulot
umano ng takot sa mga tao. Ang pitchfork ay maaaring
ang trident ni Poseidon. Ang kulay naman ay maaaring
kinuha sa red dragon sa Book of Revelation. Wala
talagang nakakaalam kung ano ang itsura ni satanas.
Sa Islam ang al-Shaytan "The Satan" ay kilala bilang Iblis.
Sa Quran ay ginawa ni Allah si Adam mula sa putik at
inutusan ang mga anghel na yumuko sa kanyang nilalang.
Hindi umano sumunod si Iblis dahil sa paniwala niya na
mas mataas siya rito. Si Adam ay ginawa umano sa putik
samantalang si Ibis ay mula sa apoy. Nagalit si Allah pero
hindi muna niya ito pinatawan ng parusa at hinayaan si
Iblis na tuksuhin ang tao.
Hindi magkasundo ang mga scholar kung ano si Iblis. Sa
Islam ay mayroong tatlong kategorya ng nilalang— ang
anghel, tao, at espiritu na kilala bilang jinn, na gawa sa
apoy at binigyan ng kalayaan. Sa Quran ay sinabi na
inutusan ni Allah ang mga anghel kasama si Iblis kaya
sinasabi na isa siyang anghel. Pero sabi ni Iblis siya ay
ginawa mula sa apoy kaya siya ay masasabi rin na isang
jinn.
Mayroong tradisyon sa Sufi Islam na nagsasabi na tama
ang ginawa ni Iblis nang hindi ito sumunod kay Allah na
yumuko kay Adam. Ang mga anghel ay dapat lamang
umanong yumuko kay Allah at hindi sa kung kanino pa
man. Bagamat hindi sumunod si Iblis ay ginawa niya ito
nang may respeto sa Diyos.
Para kay Sufi Ahmad Ghazali, ang ginawa o iniutos ng
Diyos kay Iblis ay isang pagsubok. Sinabi ni Ayn al-Qozat
Hamadani na nang bantaan ni Allah na parurusahan si Iblis
ay sinabi nito na ang hindi niya pagsunod ay dahil sa
paniniwala na ito lamang ang dapat na sambahin.
Sa Bagong Tipan ay nabanggit ang pagdating ng pekeng
messiah na tinawag na antichrist. Iniugnay ang antichrist
kay satanas pero sinabi na hindi sila iisang nilalang.
Noong medieval period ay umusbong ang paniwala na ang
antichrist ay ang kalaban ni Hesus.
Kaya kung si Hesus ay anak ng Diyos ang antichrist ay
anak ni Satanas. Ang ideya na ang antichrist ay anak ni
satanas ay hindi tanggap ng maraming sektor kahit pa
sabi sa 2 Thessalonians na ang pagdating ng antichrist ay
kagagawan ni satanas.
Ano sa tingin mo? Saan nagmula at sino ang lumikha kay
Satanas?